Love - Romantic SMS

Added 3 years ago

Chaandni Raaton Me Bheege Khyalon Ki Tarah
Maine Chaha Hai Tujhe Din Ke Ujalon Ki Tarah
Guzre Jo Kuch Lamhe Tumhare Saath
Meri Yaadon Me Chamakte Hain Wo Sitaaron Ki Tarah..!

I Like SMS - Like: 15 - SMS Length: 177
Tags: Love SMS
Added 3 years ago

Koii Us Shahar Mein Kab Thaa Uskaa;
Use Yah Zom Ki Rab Thaa Uskaa;
Uskii Rag Rag Men Utartii Rahii Aag;
Uske Andar Hii Ghazab Thaa Uskaa;
Vahii Silsila-e-Taar-e-Nafas;
Vahii Jiine Kaa Sabab Thaa Uskaa;
Sidq-Zaada Thaa Voh Shahzaada Kamaal;
Bas Yahii Naam-O-Nasab Thaa Uskaa!

I Like SMS - Like: 16 - SMS Length: 281
Tags: Love SMS
Added 3 years ago

Ranjish Hii Sahii, Dil Hii Dukhaane Ke Liye Aa;
Aa Phir Se Mujhe Chhod Ke Jaane Ke Liye Aa;
Kuchh To Mere Pindaar-e-Mohabbat Kaa Bharam Rakh;
Tuu Bhii To Kabhii Mujhko Manaane Ke Liye Aa;
Pahle Se Maraasim Na Sahii, Phir Bhii Kabhii To;
Rasm-O-Rah-E-Duniaa Hi Nibhaane Ke Liye Aa;
Kis Kis Ko Bataayenge Judaai Ka Sabab Ham;
Tuu Mujh Se Khafaa Hai, To Zamaane Ke Liye Aa;
Ek Umar Se Huun Lazzt-e-Giryaa Se Bhii Mahruum;
Ae Raahat-e-Jaan Mujhko Rulaane Ke Liye Aa;
Ab Tak Dil-e-Khushfaham Ko Tujh Se Hain Ummiide;
Yah Aakhrii Shamaen Bhii Bujhaane Ke Liye Aa!

I Like SMS - Like: 87 - SMS Length: 568
Added 3 years ago

Tumhare Khat Mein Naya Ek Salaam Kiska Tha;
Na Tha Raqueeb Toh Aakhir Woh Naam Kiska Tha;
Raha Na Dil Mein Woh Bedard Aur Dard Raha;
Mukim Kon Hua Hai Makaam Kiska Tha;
Wafa Karenge Nibhayenge Baat Maanege;
Tumhe Bhi Yaad Kuch Ye Kalaam Kiska Tha;
Woh Katl Karke Har Kisise Puchhate Hai;
Yeh Kaam Kisane Kiya Yeh Kaam Kiska Tha;
Humare Khat Ke Toh Purze Kiya Padha Bhi Nahi;
Sun Jo Tumane Baa-Dil Woh Payaam Kiska Tha;
Guzar Gaya Woh Zamana Kahoo Toh Kisse Kahoo;
Khyaal Dil Ko Mere Subah-O-Shaam Kiska Tha;
Har Ek Se Kehate Hai Kya 'Daag' Bewafa Nikala;
Ye Puchhe Inse Koi Woh Ghulam Kiska Tha!

I Like SMS - Like: 83 - SMS Length: 608
Added 3 years ago

Zakhm Jhele Daagh Bhii Khaaye Bohat;
Dil Lagaa Kar Ham To Pachhtaaye Bohat;
Dair Se Suu-e-Haram Aaya Na Tuk;
Ham Mizaaj Apnaa Idhar Laaye Bohat;
Phuul, Gul, Shams-o-Qamar Saare Hii The;
Par Hamen Unmen Tum Hii Bhaaye Bohat;
Gar Bukaa Is Shor Se Shab Ko Hai To;
Rovenge Sone Ko Hamsaaye Bohat;
Miir Se Puuchha Jo Main Aashiq Ho Tum;
Ho Ke Kuchh Chupke Se Sharmaaye Bohat!

I Like SMS - Like: 14 - SMS Length: 379
Tags: Sad SMS
Added 3 years ago

Is Se Pahle Ki Bewafa Ho Jaayen;
Kyuun Na Aye Dost Ham Judaa Ho Jaayen;
Tuu Bhii Hiire Se Ban Gayaa Patthar;
Ham Bhii Kal Jaane Kyaa Se Kyaa Ho Jaayen;
Ham Bhii Majbuuriyon Ka Uzr Karen;
Phir Kahiin Aur Mubtilaa Ho Jaayen;
Ab Ke Gar Tuu Mile To Ham Tujhse;
Aise Lipten Terii Qabaa Ho Jaayen;
Bandagii Hamne Chhod Dii Faraaz;
Kyaa Karen Log Jab Khudaa Ho Jaayen!

I Like SMS - Like: 45 - SMS Length: 370
Added 3 years ago

Bohat Khaamosh Jo Baithaa Huaa Hai;
Vo Yakja Hai Magar Bikhraa Huaa Hai;
Baraa Nadaan Hai, Bahkaa Huaa Hai;
Ye Aadam Khuld Ka Bigraa Huaa Hai;
Udhar Jaana Nahiin Hotaa Hai Varnaa;
Falak Tak Raastaa Dekhaa Huaa Hai;
Kisi Kaa Haath Bhi Pohncha Na Us Tak;
Ye Sar Uunchii Jagah Rakhaa Huaa Hai;
Ba-Zaahir Is Qadar Masuum Hai Voh;
Ki Jaise Aaj Hi Paidaa Huaa Hai;
Khazaana Khud Baraa Hai Jaan-Lewaa;
Ye Us Par Saanp Kyuun Baithaa Huaa Hai;
Dilaasa Dil Yuun Detaa Hai Ki Jaise;
Ki Yahii Ek Meherbaan Piadaa Huaa Hai!

I Like SMS - Like: 74 - SMS Length: 523